جلس الساحر في غرفة في منزله أمام لوحة كبيرة عليها خريطة مكبرة لمصر , وخريطة مصغرة للعالم , أمسك في يده قلماً أحمر اللون ومساعده يقف بجواره ينقب في أذنه بحثاً عن جديد ,المسوخ الثلاثة يجلسون أمامه وأعينهم مثبتة بتركيز علي اللوحة الموضوعة أمامهم , ويستمعون لشرحه : أنا قررت أسيطر على العالم , وزى ما إنتم عارفين إن ده حلم الألاف , لا حلم ملايين من البشر , ناس كتير حاولوا وفشلوا , لأنهم كانوا بيحسبوها غلط , كلهم فكروا في القوة الدنيوية الحقيرة الى بتزول , أنا الوحيد إللى حسبتها صح , عشان تحكم العالم لازم تحكمه بأكتر سلاح الناس بتهابه , بالخوف , عشان كده أنا عملت تعوبذة عشان أقدر أجيب بيها أتباع ليا يساعدونى , كل واحد فيهم هيبقاله مملكة بإسمه ورعية هو حر فيها يحكمها زي ما يحب . هكذا كانت الخطة .. وذاك كان المقرر .. ترى .. هل كتب لهم أن ينجحوا في مساعيهم ؟
